საქართველოს პრეზიდენტმა გიორგი მარგველაშვილმა „რუსთავი 2“-თან დაკავშირებით კომენტარი გააკეთა. ტელეკომპანია „კავკასიის“ ეთერში მარგველაშვილმა კახა კალაძის განცხადებასაც უპასუხა:

“პირდაპირ მკითხეს ვიქნები თუ არა „რუსთავის 2“-ის ანუ თავისუფალი მედიის ინტერესების დამცველი, თუ განხორციელდება ზეწოლა „რუსთავი 2“-ზე, მე მკაფიოდ, ნათლად ვუთხარი, რომ ვიქნები. კალაძის განცხადება თუ თქვენ შეაფასეთ, როგორც დევნა, განცხადების დამაბალანსებელი არის ჩემი განცხადება, რომელიც მე გავაკეთე, რომ დევნას შევეწინააღმდეგები, არ შეიძლება ისაუბრო იმის თაობაზე, რომ ხორციელდება დევნა და განსაკუთრებით პრეზიდენტმა გადადგას ნაბიჯი დევნის აღსაკვეთად, რომელიც ჯერ არ არსებობს, არამედ განცხადებების ფორმით არის“, - განაცხადა გიორგი მარგველაშვილმა.

ანო თორელი