ახალი მინისტრების პირველი კომენტარები

პოლიტიკა - 18:56, 22 Jul, 2014

1842

ახალმა მინისტრებმა პირველი კომენატრები გააკეთეს. მას შემდეგ რაც პრემიერ-მინისტრმა ირაკლი ღარიბაშვილმა ახალი მინისტრების ვინაობა განაცხადა, ახალმა მინისტრებმა პირველი კომენტარი გააკეთეს და სამომავლო გეგმებზე ისაუბრეს.

„გარკვეული პერიოდია ვმუშაობ და ეს დარგი ჩემთვის სიახლეს არ წარმოადგენს, პლიუს ამას მე მინისტრის მოვალეობას ვასრულებდი, არა ერთჯერადად, ანუ რამდენიმეჯერ მომხდარა როდესაც მინისტრი არ იყო და მოგეხსენებათ პირველი მოადგილე პირდაპირპროპორციულად ხდება მისი მოვალეობის შემსრულებლი. ეს პრაქტიკა ისედაც ძალიან ბევრჯერ ყოფილა ჩვენი ურთიერთანამშრომლობის პროცესში“,- განაცხადა სოფლის მეურნეობის მინისტრმა ოთარ დანელიამ.

„ყველზე პროგრესული პროგრამა, რაც წამოწყებული იყო ყოფილი მინისტრის და გუნდის მიერ უნდა გავაგრძელოთ დინამიურად, რათა საქართველოდან ყველაზე შორ ქვეყანაში მყოფმა ადამიანმა იგრძნოს ჩვენი სამინისტროს სარგებელი“,- აღნიშნა დიასპორის საკითხებში სახელმწიფო მინისტრმა გელა დუმბაძემ.

„პროექტები მიმდინარეობს, აქამდეც არ იყო გაჩერებული არც ერთი პროექტი და რა თქმა უნდა უფრო გაძლიერებულ ტემპებში გაგრძელდება ეს ყველაფერი. საავტომობილო გზების დეპარტამენტთან დაკავშირებით უკვე სტრატეგია არის დადებული და შესაბამისი ანგარიშიც დევს უკვე“,- განაცხადა ინფრასტრუქტურის მინისტრმა დავით შავლიაშვილმა.