„ერთიანი ნაციონალური მოძრაობის“ წევრი გივი თარგამაძე სამთავრობო ცვლილებებთან დაკავშირებით კომენტარს აკეთებს. მისი განცხადებით, მინისტრების თანამდებობებზე პრემიერის ნათესავების დანიშვნა მოხდება, რაც კორუფციის გაღრმავებას გამოიწვევს:

„თითქოს უფრო რაოდენობაზე იყო გათვლილი, რომ შვიდი მინისტრი შეიცვალა, მაგრამ ისეთები, რომლებიც არ არის მნიშვნელოვანი საზოგადოებისთვის, მაგრამ აქაც შეიძლება სხვა რამე დავინახოთ, კერძოდ ის, რომ ჰაკიმ ფაშა აძლიერებს თავის პოზიციებს, სწორედ მისი მონები ინიშნებიან ამ ადგილებზე, რაც აუცილებლად გამოიწვევს კონკრეტული მიმართულებით კორუფციის გაღრმავებას“, - განაცხადა გივი თარგამაძე.

შეგახსენებთ, რომ საქართველოს პრემიერმინისტრმა ირაკლი ღარიბაშვილმა გუშინ შვიდი სამინისტროს ხელმძღვანელი თანამდებობიდან გაათავისუფლა.

ანო თორელი