ბაჩო ახალაიას მეუღლე ანი ნადარეიშვილი მისი ძმის დაკავებასთან დაკავშირებით განმარტებას აკეთებს. როგორც „ნიუპოსტს“ ნადარეიშვილმა განუცხადა, მის ძმას საგამოძიებო უწყება სადაზღვევო კომპანია „ალდაგის“ თანამშრომლის გატაცების გამო ედავება.

„შარშან ამ დროს ჩემს ძმას მოუვიდა ავარია. ავტომობილი სადაზღვევო კომპანია „ალდაგში“ ჰქონდა დაზღვეული. ამბობენ, რომ სადაზღვევო კომპანია „ალდაგში“ ზარალი არ აუნაზღაურეს. თურმე ჩემ ძმამ აღნიშნული კომპანიის თანამშრომელი ჩაისვა მანქანაში, უნივერსიტეტის მაღლივი კორპუსის ტერიტორიაზე და იქ დაემუქრა. ისინი ამბობენ, რომ ამ მუქარის შემდეგ ჩაურიცხა „ალდაგმა“ ფული. ბრალდება სამი მუხლით აქვს წაყენებული - თავისუფლების აღკვეთა, მუქარა და გამოძალვა. ყველაზე მნიშვნელოვანი არის ის, რომ ბაჩოს მოწმე, რომელიც ამათმა გაიტაცეს ტყეში, ღამით, შავი ჯიპით და ტყეშივე დატოვეს, ამაზე საქმეც კი არ აღძრეს და ესენი რას აკეთებენ ახლა...“ , - აცხადებს ანი ნადარეიშვილი.

ნინო დათაშვილი