„ეროსი კიწმარიშვილმა ძალიან ბევრ შეკითხვაზე, თუნდაც გიორგი სანაიასთან დაკავშირებით იმ ქვეყნად წაიღო პასუხები“,- ამის შესახებ ვახო სანაიამ ტელეკომპანია „იმედის“ ეთერში გადაცემა „რეაქციაში“ სტუმობისას განაცხადა.

სანაია მიიჩნევს, რომ ერთადერთი რაც კიწმარიშვილის გარდაცვალებას პასუხს გასცემს, ეს არის გამოძიება. სანაია თვლის, რომ ხელისუფლებას აქვს ყველა ბერკეტი, რომ გამოძიების ფარგლებში დაადგინოს სიმართლე.

„შესაძლოა კიწმარიშვილმა არ ისურვა ბევრი წლის განმავლობაში, რომ ბოლომდე რაღაც საკითხებზე ესაუბრა. ალბათ ამის დროც დადგებოდა, ძალიან სამწუხაროა, რომ ეროსი კიწმარიშვილი არის გარდაცვლილი. ის ალბათ ფიქრობდა, რომ - ჯერ ამის დრო არ იყო დამდგარი... არ ვიცი, შეიძლება კიდევ რაღაც მიზეზი იყოს, მაგრამ მე ამას ამ შემთხვევაში არ ჩავუღმავდები“,- განაცხადა ვახო სანაიამ.

ეროსი კიწმარიშვილის საქმის შემდეგ, ვახო სანიამ, მისი ოჯახის პირადი ტრაგედიაც გაიხსენა და აღნიშნა რომ 13 წლის თავზე მისი ძმის, გიორგი სანაიას საქმე გაცამტვერებული საქმის მასალებისგან და მთლიანად გაყალბებული საქმისგან შედგება.

„მე შემიძლია კონკრეტულად ჩემი ოჯახის ტრაგედიაზე ვისაუბრო, აქ იყო შემთხვევა სახელმწიფოს მხრიდან პირადპირი ძალადობის ოჯახზე, როდესაც ყველაფერი, პირველივე დღიდან დაწყებული გაყალბდა, გაცამტვერდა, საქმისგან პრაქტიკულად არაფერი არ დატოვეს, დაიწყეს რაღაც საქმის შეკერვა ხუხულების აგება, რომელიც გზადაგზა ინგრეოდა, იმიტომ რომ პროკურატურამ აბსოლუტურად მოგონილი ამბები შეთხზა, ბევრი ის ადამიანი, რომელიც ამ ყველაფერში იყო ჩართული, ძალიან თავისფლად დადის, 13 წელია ჩვენ ამ საქმის გახსნას ველით, ეს იყო წმინდა პოლიტიკური მკვლელობა და აი, ახლა მესამე ხელისუფლებაა უკვე...ეს მოხდა შევარდნაძის პერიოდში, მომდევნო წლების განამვლობაში ჩვენ ოჯახს განცხადება არ დაეწერა, მაგრამ ეს არ მოხდა, სულ ბოლოს რამდენიმე თვის წინ შევიტანე კიდევ პროკურატურაში განცხადება, რომ დაიწყოს ხელახლა ამ საქმის გამოძიება, თუმა რაღაც იურიდიული ნიუანსების მომიზეზებით ჩვენ მოგვივიდა პასუხი რომ ვერა, ჩვენ ვერ გამოვიძიებთ ამ საქმეს თავიდან... ესაა რეალობა დღეს. 26 ივლიის ხდება 13 წელი და 13 წლის თავზე ჩვენ გვიჭირავს ხელში გაცამტვრებული საქმის მასალები და მთლიანად გაყალბებული საქმე",- განაცხადა ვახო სანაიამ.

ნინა გოლოშვილი