სავარაუდოდ, აქ შესაძალოა ყოფილიყო სიცოცხლის მოსწრაფება

სავარაუდოდ, აქ შესაძალოა ყოფილიყო სიცოცხლის მოსწრაფება - გიორგი მარგველაშვილი

პოლიტიკა - 22:48, 18 Jul, 2014

1806

საქართველოს პრეზიდენტმა ეროსი კიწმარიშვილის გარდაცვალებაზე მის მიერ გაკეთებულ კომენტართან დაკავშირებით განმარტება გააკეთა ,,რუსთავი 2“-ის ეთერში. მარგველაშვილის თქმით, მას არ მიუცია იურიდიული კვალიფიკაცია, თუმცა ფიქრობს, რომ ეს შესაძლოა მკვლელობა იყოს.

,,ქართული სიტყვა მკვლელობა ნიშნავს ცოცხალი ორგანიზმისთვის სოცოცხლის მოსწრაფებას, სხვაზე ახორციელებს ამას ადამიანი თუ საკუთარი თავის მიმართ სჩადის - ეს მკველელბაა. მე ამით იმის თქმა მინდა, რომ მე იმ მომენტში იურიდიული კვალიფიკაცია არ მიმინიჭებია, თუმცა გულწრფელად გეტყვით, რა განცდა მქონდა მაშინაც და მაქვს ეხლაც, გამომდინარე იქიდან, რომ ეროსისთან პირადი ურთიერთობა მაკავშირებდა. ეს განცდა არის, რომ სავარაუდოდ აქ შესაძალოა ყოფილიყო სიცოცხლის მოსწრაფება, თუმცა მე არ მქონია რაიმე დამატებითი ინფორმაცია, რაც თქვნ გაქვთ“, - განაცხადა პრეზიდენტმა.

მარგველაშვილმა აღნიშნა, რომ მნიშვნელოვანია ამ საქმის დროული გამოძიება, რათა საზოგადოებაში გაჩენილ კითხვებს პასუხი გაეცეს. პრეზიდენტმა წლების წინ გახმაურებული მკვლელობები გაიხსენა და აღნიშნა, რომ ყველა ის საქმე გამოუძიებელი დარჩა, რაც ქვეყნის სამარცხვინო წარსულად ითვლება.

,,მთავარი აქცენტი ჩემს განცხადებაში იყო ის, რომ უსწრაფესად უნდა ჩატარდეს გამოძიება, რომელიც საზოგადოებას გასცემს პასუხს, ქართული პოლიტიკა სავსეა პოლიტიკოსებისთვის სიცოცხლის მოსწრაფების ძალიან მძიმე წარსულით და მერე პასუხგაუცემელი კითხვებით, ეს ხდის დაძაბულ პოლიტიკურ ფონს, ეს არის ჩვენი სამარცხვინო წარსული ბოლო ათწლეულების განმავლობაში“, - განაცხადა პრეზიდენტმა და პოლიტიკოსებისთვის სიცოცხლის მოსწრაფების მაგალითებად მერაბ კოსტავას, ზურაბ ჭავჭავაძის, გია ჭანტურიას, ზვიად გამსახურდიას, ნუგზარ საჯაიას, სულიკო ხაბეიშვილის და ზურაბ ჟვანიას გარდაცვალება მოიყვანა.

,,ამ ფაქტს უნდა გაეცეს პასუხი, ბუნებრივია მე დავინახე რომ ამ ორ სიტყვას შორის მოხდა ინტერპრეტაცია, თუმცა მე არ მიმინიჭებია იურიდიული კვალიფიკაცია“, - დასძინა გიორგი მარგველაშვილმა.