გუშინ მომხდარი კატასტროფა უკრაინაში მიმდინარე ძალადობას ეხება

გუშინ მომხდარი კატასტროფა უკრაინაში მიმდინარე ძალადობას ეხება - ნორლანდი

პოლიტიკა - 15:20, 18 Jul, 2014

1215

ამერიკის შეერთებული შტატების ელჩი საქართველოში რიჩარდ ნორლანდი მიიჩნევს, რომ უკრაინაში მომხდარ კატასტროფაზე გამოძიება ღიად და გამჭირვალედ უნდა ჩატარდეს. მისი თქმით, აღნიშნული ტრაგედია იმ ძალადობას ეხება, რომელსაც ადგილი აქვს უკრაინაში.

„როგორც პრეზიდენტმა ობამამ აღნიშნა, ეს არის საშინელი ტრაგედია. ყველას სურს გაარკვიოს, რამ გამოიწვია იგი. მნიშვნელოვანია, რომ გამოძიება ჩატარდეს ღიად და გამჭირვალედ, რომელშიც მონაწილეობას როგორ ნათესავები, ისე ექსპერტები მიიღებენ. ფაქტია, რომ მომხდარი მიმდინარე ძალადობას ეხება, რომელსაც ადგილი აქვს უკრაინაში. უნდა მოხდეს მისი სწრაფად განმუხტვა. ეს არის მნიშვნელოვანი იმ ხალხისთვის, რომელიც ხშირად დაფრინავს ევროპაში. ეს ეხება ავიარეისების უსაფრთხოებასაც და აშკარაა, რომ ამ ტერიტორიების თავზე ფრენა საფრთხის შემცველია. ამიტომ სწრაფად უნდა მოხდეს ამ ტრაგედიის გამოძიება“, - განაცხადა ნორლანდმა.

გუშინ, მალაიზიის ავიახაზების სამგზავრო თვითმფრინავი უკრაინის ტერიტორიაზე, რუსეთის საზღვრიდან 60 კილომეტრის მოშორებით ჩამოვარდა. შემთხვევის შედეგად შედეგად ბორტზე მყოფი 285 მგზავრი და ეკიპაჟის 15 წევრი დაიღუპა.