საქართველოს საგარეო საქმეთა მინისტრი მაია ფანჯიკიძე ბოინგ 777-ის ჩამოგდების შედეგად მომხდარი კატასტროფის გამო ქვეყნებსა და დაღუპულთა ოჯახის წევრებს უსამძიმრებს:

„მინდა გამოვხატო ღრმა მწუხარება იმასთან დაკავშირებით, რაც მოხდა წუხელ უკრაინის ტერიტორიაზე, ვგულისხმობ მალაიზიური თვითმფრინავის ჩამოვარდნას და 300-მდე ადამიანის დაღუპვას, რომელთა შორის იყვნენ ბევრი ქვეყნის წარმომადგენლები. ყველა ქვეყანას მინდა მივუსამძიმრო, მათ მთავრობებს და დაღუპულთა ოჯახებს. ეს არის საშიანებლი კატასტროფა, რომელმაც კიდევ ერთხელ დაგვანახა, რომ თუკი იგი კავშირშია იმ მდგომარეობასთან, რომელიც ახლა არის უკრაინაში, მაშინ ეს არის კიდევ უფრო დიდი კატასტროფა. თუკი ეს არის შედეგი იმ სავალალო მდგომარეობისა, რომელსაც ჩვენ ვხედავთ უკვე რამდენიმე თვეა და რომელიც მიმართულია უკრაინის ტერიტორიული მთლიანობისა და სუვერენიტეტის წინააღმდეგ“, - განაცხადა მაია ფანჯიკიძე.

ანო თორელი