„ევროკავშირთან ასოცირებით დევნილთა, ლტოლვილთა და მიგრანტთა უფლებების დაცვა სახელმწიფოებრივიდან საერთაშორისო დონემდე ამაღლდა“, - ამის შესახებ დევნილთა მინისტრმა დავით დარახველიძემ განაცხადა.

„ევროკავშირთან ასოცირებით დევნილთა, ლტოლვილთა და მიგრანტთა უფლებების დაცვა სახელმწიფოებრივიდან საერთაშორისო დონემდე ამაღლდა. ასოცირების ხელშეკრულებაზე ხელმოწერა ნიშნავს იმას, რომ იქნება დევნილთა მხარდაჭერის უფრო მეტი პროგრამა, ლტოლვილთა დაცვის მეტი მექანიზმები, უფრო მეტი გარანტიები უცხოეთში გადახვეწილი ჩვენი თანამემამულეების ღირსეული ცხოვრებისა და დაბრუნებისთვის და რაც ყველაზე მთავარია, ქვეყნის ეკონომიკური წინსვლის, დემოკრატიის განმტკიცებისა და ამის საფუძველზე, ქვეყნის ერთიანობის აღდგენისთვის”, - განაცხადა დარახველიძემ.

პარლამენტში საქართველოსა და ევროკავშირს შორის ასოცირების შეთანხმების რატიფიცირება მოხდება.

ნინო დათაშვილი