ევროკომისარი შტეფან ფულე, რომელიც პარლამენტში საქართველოსა და ევროკავშირს შორის ასოცირების შეთანხმების რატიფიცირებას დაესწრება, უკვე თბილისშია. იგი გვიან ღამით ლატვიის საგარეო საქმეთა მინისტრთან ერთად ჩამოფრინდა. ფულე დეპუტატებსა და სტუმრებს სიტყვებსაც მიმართავს.

„ჩემთვის საქართველოში დაბრუნება დიდი პატივია. ასოცირების ხელშეკრულების რატიფიკაციის პროცესთან დაკავშირებით ვარ მოწვეული და ჩემი ვიზიტი მოკლევადიანია. ჩემთან ერთად ჩამოვიდა ლატვიის საგარეო საქმეთა მინისტრიც. საქართველოს ბულგარეთის საგარეო საქმეთა მინისტრიც ეწვევა. ასოცირების ხელშეკრულება საქართველოს ევროკავშირთან უფრო დააახლოვებს. ჩვენი ჩამოსვლით გვინდა მხარდაჭერა გამოვხატოთ“, - განაცხადა ფულემ ჟურნალისტებთან საუბრისას.

ვიზიტის ფარგლებში შტეფან ფულე აღმაშრულებელი ხელისუფლების წევრებს და პარლამენტის თავმჯდომარეს შეხვდება.

ნინო დათაშვილი