საქართველოს პრემიერ-მინისტრი ირაკლი ღარიბაშვილი მალაიზიის ავიახაზების თვითმფრინავის კატასტროფის გამო ღრმა მწუხარებას გამოთქვამს. პრემიერი დაღუპულთა ოჯახებს თანაგრძონას უცხადებს.

„შემზარა და უაღრესად დამამწუხრა მალაიზიის ავიახაზების თვითმფრინავის კატასტროფამ. ერთობლივი საერთაშორისო ძალისხმევით უნდა გაირკვეს, რა მოხდა. ჩვენ დაველოდებით შედეგებს. ახლა მხოლოდ ის შეგვიძლია, რომ თანავუგრძნოთ დაღუპულთა ოჯახებს და გამძლეობა ვუსურვოთ ამ მძიმე წუთებში“, - ნათქვამია ირაკლი ღარიბაშვილის მიერ გავრცელებულ განცხადებაში.

გუშინ, მალაიზიის ავიახაზების სამგზავრო თვითმფრინავი უკრაინის ტერიტორიაზე, რუსეთის საზღვრიდან 60 კილომეტრის მოშორებით ჩამოვარდა. შემთხვევის შედეგად შედეგად ბორტზე მყოფი 285 მგზავრი და ეკიპაჟის 15 წევრი დაიღუპა.

ნინო დათაშვილი