მაია ნიკოლაიშვილი ,,ნიუპოსტთან“ ახალ დეტალზე საურბობს და მინიშნებას აკეთებს

პოლიტიკა - 22:22, 17 Jul, 2014

7442

სამხარაულის სახელობის ექსპერტიზის ბიურო, რამდენიმე წუთის წინ დატოვეს, მაია ნიკოლაიშვილმა და ზურა კიწმარიშვილმა. მათ ის იარაღი დაათვალიერეს, რომელიც შემთხვევის ადგილზე იქნა ნაპოვნი. როგორც „ნიუპოსტთან“ საუბარში მაია ნიკოლაიშვილმა განაცხადა, იარაღის დათვალიერებისას სისხლის კვალი არ აღმოჩნდა. თუმცა, როგორც ნიკოლაიშვილი განმარტავს, თვითმკვლელობის შემთვევაში უმეტესად იარაღზე სისხლის კვალი აღინიშნება. რაც შეეხება ეროსი კიწმარიშვილის ავტომობილის დათვალიერებას, ნიკოლაიშვილის თქმით, მარჯვენა სავარძელზე სისხლის შხეფები აღინიშნებოდა, რაც ნიშნავს, რომ შემთხვევის დროს იქ არავინ იჯდა.

„ვიზუალურად, ლუპით და ულტრაიისფერ სხივებში იარაღზე სისხლის კვალი არ ჩანს, თუმცა აღებულია დნმ-ზე ანაწმენდები და უნდა დაველოდოთ გამოკვლევას. რაც შეეხება დენთის კვალს, ტანსაცმელზე დენთის კვალი არ არის, მაგრამ ხელის გულიდან აღებულია ანაწმენდები და ამაზეც გაკეთდება ლაბორატორიული გამოკვლევა. ყოველი კვლევა ახალ ინფორმაციას დაამატებს. დღეს დაემატა ის, რომ მარჯვენა სავარძელზე არავინ იჯდა, რადგან სავარძელი სისხლის შხეფებით არის გავსებული. თითის ანაბეჭდი იარაღზე ასევე ძალიან საინტერესოა. ყველაფერი დატოვებულია გამოკვლევაზე“, - განაცხადა ნიკოლაიშვილმა. მისივე განმარტებით, ხშირ შემთხვევაში როდესაც პიროვნება თვითმკვლელობას სჩადის, იარაღზე სისხლის კვალი აღინიშნება.

„როდესაც არის თვითმკვლელობა, ხშირ შემთვევაში სისხლის კვალი აღინიშნება. თუმცა კატეგორიულად ვერაფერს ვამბობთ. დაველოდოთ გამოკვლევის პასუხს“, - განაცხადა ნიკოლაიშვილმა.