რა ვითარებაში ნახეს მეგობრებმა ეროსი კიწმარიშვილი გარდაცვლილი

პოლიტიკა - 21:30, 17 Jul, 2014

5427

რუსთავის საოლქო პოკურატურაში ეროსი კიწმარიშვილის თანაგუნდელების დაკითხვა დასრულდა. როგორც ტელეკომპანია „მაესტროსთან“ კიწმარიშვილის გარდაცვალების საქმეში ერთ-ერთმა მთავარმა მოწმემ ზაზა ბატიაშვილმა განაცხადა, გამოძიებამ კითხვები მათ ეროსი კიწმარიშვილის შტაბის მუშაობაზე, ასევე თანაგუნდელებთან მის ბოლო შეხვედრაზე დაუსვა. ბატიაშვილი კიდევ ერთხელ იხსენებს იმ დღეს, როდესაც თანაგუნდელებმა ეროსი კიწმარიშვილის გვამი აღმოაჩინეს.

„საუბარი შეეხებოდა საკითხს, თუ როდის შევხვდით ბატონ ეროსის, შტაბის მუშაობას და ასე შემდეგ... რაც შეეხება იმ დღეს, როდესაც ეს ტრაგედია მოხდა - წინა დღეს, ეროსისთან მოლაპარაკება გვქონდა, რომ სამშაბათს ჩავიდოდით თბილისში და შევხვდებოდით. მომავალ გეგმებზე უნდა გვესაუბრა. 12-ის ნახევარზე ვესაუბრეთ და ამის შემდეგ გამოვედით რუსთავიდან. დაახლოებით 5 საათისკენ მივედით ბატონ ეროსისთან. გია ხევიაშვილი და თამაზ ბაწალაშვილი მის სახლში ავიდნენ, რადგან ტელეფონს არ პასუხობდა. სახლში რომ არ დახვდათ, ავტოფარეხში ჩასვლა გადაწყვიტეს, აინტერესებდათ ფეხით იყო გასული თუ მანქანით...ამ დროს ნახეს გარდაცვლილი. მაშინ ჩვენთან ერთად იყვნენ ჩვენი შტაბის წევრები ვალერი ტატუაშვილი და მერაბი დოლიძე“, - განაცხადა ზაზა ბატიაშვილმა.