"ივანიშვილის ხელისუფლებას მოსვენებას არც ერთ დღეს არ მივცემთ", - ამის შესახებ „ნაციონალური მოძრაობის“ ერთ-ერთმა ლიდერმა გიგა ბოკერიამ ფილარმონიაში კონფერენციის დაწყებამდე განაცხადა.

"ყველა დარღვევა, ყველა გადაცდომა, ყველა უნიათობა, რაც მრავლად ვიხილეთ და ვიხილავთ, იქნება ჩვენი ყურადღების ცენტრში. არ მივცემთ არც ერთ დღეს მოსვენებას. ამას ვპირდებით ხალხს და ივანიშვილის მთავრობას", - განაცხადა ბოკერიამ.

ფილარმონიის დიდ საკონცერტო დარბაზში „ნაციონალური მოძრაობის“ კონფერენცია მიმდინარეობს. კონფერენციაზე თვითმმართველობის არჩევნების შედეგებს შეაჯამებენ. სიტყვით პარტიის ლიდერები გამოდიან.

ღონისძიებას მთელი საქართველოს მასშტაბით საკრებულოებში არჩეული „ნაციონალური მოძრაობის“ წევრები ესწრებიან.