საქართველოს ოფიციალური ვიზიტით ბულგარეთის საგარეო საქმეთა მინისტრი ეწვევა. ვიზიტის ფარგლებში კრისტიან ვიგენინი საქრთველოს პრემიერ-მინისტრს, საგარეო საქმეთა მინისტრს და ევროპულ და ევრო-ატლანტიკურ სტრუქტურებში სახელმწიფო მინისტრს შეხვდება.

საუბარი შეეხება, როგორც ორმხრივი ურთიერთობების საკითხებს, ასევე საქართველოს ევროპული და ევროატლანტიკური ინტეგრაციის თემებს.

ბულგარეთის საგარეო საქმეთა მინისტრი ასევე შეხვდება საქართველოს პარლამენტის თავმჯდომარეს დავით უსუფაშვილს.

კრისტიან ვიგენინი საქართველოს პარლამენტში ასოცირების ხელშეკრულების რატიფიკაციის სხდომას დაესწრება. დაგეგმილია სხდომაზე მისი სიტყვით გამოსვლაც.

ანო თორელი