ეროსი კიწმარიშვილის გარდაცვალების საქმეში ჩართვას, ამ ეტაპზე, სახალხო დამცველი არ აპირებს. უჩა ნანუაშვილის თქმით, იგი ამის აუცილებლობას ჯერჯერობით ვერ ხედავს. თუმცა აცხადებს, რომ საჭიროების შემთხვევაში ომბუდსმენის აპარატი საქმეში ჩაერვება.

„ჯერჯერობით არ გაგვაჩნია საკმარისი მტკიცებულება, რომ რაიმე განცხადება გავაკეთოთ. აუცილებელია ჩატარდეს გამოძიება. იმ შემთვევაში, თუ დაისმება კონკრეტული კითხვების გამოძიებასთან დაკავშირებით, რა თქმა უნდა, ჩვენი ოფისი საქმეში ჩაერთვება. იმედი მაქვს, რომ ეს გამოძიება ეფექტური და დროული იქნება“, - განაცხადა უჩა ნანუაშვილმა.

ეროსი კიწმარიშვილი 15 ივლისს საკუთარი საცხოვრებელი სახლის ავტოფარეხში გარდაცვლილი იპოვეს.

ნინო დათაშვილი