უცხოელებს ქვეყანაში შემოსასვლელად დამატებითი დოკუმენტაცია და პროცედურები დასჭირდებათ. ზოგიერთ ქვეყანასთან კი სავიზო რეჟიმის დაწესებაა დაგეგმილი.

საქართველოში ჩამომსვლელებს ქვეყანაში ყოფნის ვადებიც მკაცრად განესაზღვრებათ. ასევე გამკაცრდება დეპორტაციაც. ხელისუფლებას რეგულაციების მიღებას, ერთის მხრივ, ევროკავშირი ავალდებულებს, მეორეს მხრივ კი - სტატისტიკური მონაცემები.

„საერთოდ არ არსებობდა მიგრაციის პოლიტიკა საქართველოში და ჩვენ დავიწყეთ ამის მოწესრიგება, ასოცირების ხელშეკრულება კი ითვალისიწინებს ძალიან ბევრ რამეს, მაგრამ ამავე დროს ეს არის ისეთი თემები, რომ საქართველოს ისედაც უნდა მოეწესრიგებინა,ზოგი რამ შეიძლება გამკაცრებულიყო, ზოგი რამ შეიძლება შეცვლილიყო, ზოგიც გაიოლებულიყო“,- განაცხადა მაია ფანჯიკიძემ.