საქართველოს იუსტიციის მინიტრმა თეა წულუკიანმა კიდევ ერთხელ გააკეთა კომენტარი ეროსი კიწმარიშვილის გარდაცვალების თაობაზე. მინისტრის განცხადებით გამოძიების კვალიფიკაცია გარემოებების გამოკვეთის შემთხვევაშია შესაძლებელი:

„როდესაც ადამიანი, როგორც ჩანს, მიდის თვითმკვლელობამდე, არაფერი არ არის უფრო დიდი უბედურება ვიდრე ის, როდესაც ადამიანი საკუთარ სიცოცხლეს სპობს, გამოძიება მიმდინარეობს, პირველადი ნიშნები გვიჩვენებს, რომ საქმე უნდა გვქონდეს იმასთან რაც თქვა ექსპერტიზამ, რომ არის მიბჯენით ნასროლი და ძალიან სერიოზულად არის დაზიანებული თავის ქალა. ეს არის ფაქტი, რომელიც არის დადგენილი, ამას დაადგენს საგამოძიებო ორგანო და შესაძლოა კვალიფიკაცია ან შეიცვალოს ან არა. კიდევ ერთხელ ვიმეორებ, ყველამ თავი შეიკავოს სპეკულაციებისგან, იმიტომ, რომ სამართლებრივი კვალიფიკაცია არავის საქმე არ არის, ეს არის ერთადერთი პროკურატურის უფლებამოსილება და დავაცადოთ გამოძიებას“, - აგანცხადა თეა წულუკიანმა.