ტელეკომპანია „რუსთავი 2“-ის გენერალური დირექტორი ნიკა გვარამია ადასტურებს, რომ გადაცემა „60 წუთის“ აღდგენასთან დაკავშირებით ეროსი კიწმარიშვილთან მოლაპარაკებები მიმდინარეობდა. როგორც „ნიუპოსტთან“ საუბარში გვარამიამ განაცხადა, ბოლოს აღნიშნულ საკითხზე ეროსი კიწმარიშვილთან შეხვედრა არჩევნების მეორე ტურამდე რამდენიმე დღით ადრე შედგა.

„ვადასტურებ, რომ ეროსი კიწმარიშვილთან მქონდა მოლაპარაკებები გარკვეული ფორმატების შესახებ, მათ შორის ერთ-ერთ ფორმატად იხილებოდა „60 წუთი“. მოლაპარკების რეჟიმში ვიყავით.. პერსონალურად მე არ შევხვედრივარ ეროსის, სხვა ფორმით გვქონდა ეს მოლაპარაკებები, სხვადასხვა ადამიანებების მეშვეობით. ბოლო მოლაპარაკება იყო არჩევნების მეორე ტურამდე რამდენიმე დღით ადრე“, - განაცხადა ნიკა გვარამიამ.