ტელეკომპანია „რუსთავი 2“-ის გენერალური დირექტორი ნიკა გვარამია ვიცე-პრემიერის განცხადებას პასუხობს, სადაც კახი კალაძე „რუსთავი 2“-ს ცრუ ინფორმაციის გავრცელებაში ადანაშაულებს.

„მივმართავ ვიცე-პრემიერ კახი კალაძეს - რაც მეტს ილაპარაკებთ ჩვენზე, მით უკეთესი ჩვენთვის. თქვენ რაც შეგეხებათ, თქვენთვის უკვე არც უკეთესი მოხდება რამე და არც უარესი, ასე იტივტივებთ ქართულ პოლიტიკაში ერთხანს, და მერე აღარავის გაახსენდებით (მაქსიმუმ, სამართალდამცავ ორგანოებს). რ2 კი თქვენამდეც ლიდერი იყო და თქვენს მერეც საუკეთესოდ დარჩება“, - წერს გვარამია „ფეისბუქზე“.

ენერგეტიკის მინისტრმა კახა კალაძემ ტელეკომპანია „რუსთავი 2“ დეზინფორმაციის გავრცელებაში დაადანაშაულა. კალაძემ განაცხადა, რომ ელექტროენერგიაზე ტარიფების მატებასთან დაკავშირებით ტელეკომპანიამ გუშინ ცრუ ინფორმაცია გაავრცელა.