მომღერალი და მუსიკოსი კახა ცისკარიძე რამდენიმე საათში ფინანსთა სამინისტროს საგამოძიებო სამსახურის დეპარტამენტში დაკითხვაზეა დაბარებული.

სავარაუდოდ საქმე ეხება ცისკარიძის კომპანია „არტ ფორუმის“ საქმიანობას. სატელეფონო საუბრის დროს ცისკარიძემ დაადასტურა მისი საგამოძიებო უწყებაში დაბარება, თუმცა, განაცხადა, რომ დაკითხვის სხვა დეტალები მისთვის უცნობია.

„წარმოდგენა არ მაქვს რაზეა საუბარი კონკრეტულად, თუმცა, ვიცი, რომ საუბარია კომპანიასთან დაკავშირებით და როცა დამირეკეს, მითხრეს, რომ კომპანიას დავალიანება აქვს“, - განაცხადა კახა ცისკარიძემ „რუსთავი 2“-თან სატელეფონო საუბრისას.