თბილისის ახლადარჩეულმა მერის დავით ნარმანიას განცხადებით ყველა კვალიფიციური კადრი მერიაში მუშაობას გააგრძელებს. როგორც ნარმანიამ გადაცემა “პოლიტიკის დროში” განაცხადა, ის ვინც, საბოტაჟს დაიწყებს, მის გვერდით ვერ გაჩერდება.

“მინდა, დავამშვიდო მერიის თანამშრომლები. განსაკუთრებით კვალიფიციური პერსონალი, რომლისთვისაც საქმე უმთავრესია და არა საბოტაჟი და ხელის შეშლა. ის ვინც, საბოტაჟს დაიწყებს, ჩემს გვერდით ვერ გაჩერდება, ის ვინც საქმის გამკეთებელი იქნება და ვისთვისაც უმთავრესია ქალაქის განვითარება, ის ადამიანები იმუშავებენ. მაგრამ ძალიან ბევრია გარეთ ადამიანი, რომლებიც თავის დროზე, სამსახურიდან უკანონიდ დაითხოვეს. ძალიან ბევრია კვალიფიციური ადამიანი, რომლებმაც ისწავლეს, დაამთავრეს და მიიღეს გარკვეული კვალიფიკაცია და არ მუშაობენ. ამიტომ ამ ადამიანებს უნდა მივცეთ შესაბამისი კონკურენტული გარემო იმისათვის, რომ კვალიფიკაციის შესაბამისად მოხვდნენ მერიის სხვადასხვა უწყებებში”, - განაცხადა ნარმანიამ.

ნარმანია მერიის თანამშრომელთა ნაწილის პრეტენზიებსაც პასუხობს.

“ის, ვისაც ჩემი კვალიფიკაცია არ მოსწონს და ჩემთან მუშაობას არ აპირებს, შეუძლიათ ხვალვე დაწერონ განცხადებები და მიბრძანდნენ”, - განაცხადა ნარმანიამ.