"ეროსი კიწმარიშვილი არც იარაღს ატარებდა და არც დაცვით დადიოდა“, - ამის შესახებ ეროსი კიწმარიშვილის საარჩევნო შტაბის თანამშრომელმა ანა ხოშტარიამ ჟურნალისტებთან საუბრისას განაცხადა. მისი თქმით, კიწმარიშვილს ძალიან ბევრი გეგმა ჰქონდა.

„ვიცი, რომ ის არ დადიოდა დაცვით და იარაღით. მის მიმართ მუქარები არ იყო. ის ბევრ ადამიანს უყვარდა. ის იყო ძალიან ყურადღებიანი ადამიანი, არ ჰყავდა მტრები, წინასაარჩევნო პერიოდში, ხალხისგან მისი მისამართით სითბო და სიყვარული მოდიოდა. ჩემთვის დიდი ბედნიერებაა, რომ ამ ადამიანთან მომიწია მუშაობა. ბევრი იდეები ჰქონდა და ალბათა ამის გამო არ აწყობდათ... ვის არ აწყობდა, გამიჭირდება ამის თქმა. ტელევიზიის შექმნას აპირებდა, „რუსთავი 3“-ის. ბოლო პერიოდი არანაირი პრობლემა არ ჰქონია“, - განაცხადა ანა ხოშტარიამ.