„რუსთავი 2“-ის გენერალური დირექტორი ნიკა გვარამია ეროსი კიწმარიშვილის გარდაცვალებას „ფეისბუქზე“ ეხმაურება. მისი ინფორმაციით, კიწმარიშვილი ბოლო პერიოდში „ჰიპერაქტიური იყო და უამრავი სამომავლო გეგმა ჰქონდა“.

„ცხადია, არაფრის გამორიცხვა არ შეიძლება, მაგრამ, ჩემი აზრით, ეროსი კიწმარიშვილის თვითმკვლელობა ოქსიმორონია (ერთმანეთის საწინააღმდეგო, მახვილგონივრულ-სულელური). განსაკუთრებით, ბოლო პერიოდში, ის ჰიპერაქტიური იყო და უამრავი სამომავლო გეგმა ჰქონდა. უნიჭიერესი კაცი იყო და ღრმად ვწუხვარ მისი გარდაცვალების გამო“, - წერს ნიკა გვარამია.

კიწმარიშვილი ვაკეში, ჭავჭავაძის გამზირზე საკუთარ ავტოფარეხში, გარდაცვლილი იპოვეს.