გია გაჩეჩილაძე (უცნობი) ეროსი კიწმარიშვილის გარდაცვალების საქმეში თვითმკვლელობის ვერსიას გამორიცხავს. როგორც „ნიუპოსტს“ გაჩეჩილაძემ განუცხადა, კიწმარიშვილის სიცოცხლით სავსე ადამიანი იყო და მისგან თვითმკვლეობა ნაკლებად მოსალოდნელი იყო.

„რამდენადაც მე მას ვიცნობდი, არამგონია მას თავი მოეკლა. სხვას ვერაფერს ვერ გეტყვით, ძალიან დიდი ხანია ურთიერთობა არ მქონია, თუმცა რასაც ვიცნობდი სიცოცხლით სავსე ადამიანი იყო. რაც შეეხება მკვლელობის ვერსიას, ვერაფერს გეტყვით. ყველაფერს გამოძიება დაადგენს. სიმართლე გითხრათ ბოლო სამი წელი მასთან ურთიერთობა არ მქონია. ვიცოდი, რომ რუსთავში მერის კანდიდატურაზე იყრიდა კენჭს, მისი გარდაცვალების შესახებაც საინფორმაციოდან გავიგე“, - განაცხადა გაჩეჩილაძემ.

კიწმარიშვილი ვაკეში, ჭავჭავაძის გამზირზე საკუთარ ავტოფარეხში, გარდაცვლილი იპოვეს. ავტომობილში ცეცხლსასროლი იარაღიც აღმოაჩინეს. კიწმარიშვილის გარდაცვალების საქმეს პროკურატურა იძიებს. როგორც „ნიუპოსტს“ პროკურატურის პრესსამსახურში განუცხადეს, ფაქტზე გამოძიება 115-ე მუხლით მიმდინარებს, რაც თვითმკვლელობამდე მიყვანას გულისხმობს.