საქართველოს თავდაცვის ყოფილი მინისტრის ბაჩო ახალაიას ადვოკატი გოგა ონიანი აცხადებს, რომ მას ირაკლი ბათიაშვილი დაუკავშირდა და ახალაიას ოჯახის წევრებს დაემუქრა. ამის შესახებ ონიანი „ფეისბუქის“ საკუთარ გვერდზე წერს:

„დღეს დაახლოებით ერთი საათის წინ მობილურ ტელეფონზე დამიკავშირდა ,,პოლიტიკოსი" შევარდნაძის დროის უშიშროების მინისტრი ირაკლი ბათიაშვილი, იგი დაემუქრა ბაჩო ახალაიას ოჯახის წევრებს და განაცხადა რომ შეიძლება ბაჩოს ვერ მიწვდეს ციხეში მაგრამ აუცილებლად მიწვდება მის ახლობლებს. მე 3 კითხვა მაქვს ამ ადამიანთან, 1) ეს ზარი იყო თუ არა შეთანხმებული შსს-სთან და ისახავდა თუ არა მიზნად ჩემს პროვოცირებას და შემდეგ აღკვეთი ღონისძიება გირაოს შეცვლას წინასწარი პატიმრობით, რაც აქამდე ვერ მოახერხეს, 2) ბაჩო ახალაიას ჰყავს მეუღლე ანი ნადარეიშვილი და ორი წლის შვილი კესო ახალაია, რომელი იყო მისი მუქარის ადრესატი?, 3) უშიშროების ყოფილმა მინისტრმა როდიდან დაიწყო ძველბიჭობა და ,,რემენას" ენაზე საუბარი?“,-წერს გოგა ონიანი