“მაესტროს” ერთ-ერთი მეპატრონე მაკა ასათიანი ტელეკომპანიის წილის გაყიდვასთან დაკავშირებით გავრცელებულ ინფორმაციას უარყოფს. განცხადებას ასათიანი „ფეისბუქზე“ წერს.

„დღეს ერთ-ერთმა გაზეთმა გაავრცელა ინფორმაცია თითქოს მე ვყიდი მაესტროს წილს და რომ მყიდველი არის ქართველი ბიზნესმენი. ყველას გასაგონად მინდა ვთქვა რომ ეს არ არის სიმართლე, არ იგეგმება წილის გაყიდვა და ეს საკითხი დღის წესრიგშიც არ დამდგარა. მაესტროს გუნდთან ერთად ვგეგმავთ უამრავ სიახლეს და ვემზადებით ახალი სეზონისთვის“, - წერს ასათიანი.