შავი ბაზრის იმედად ქართული პროდუქციის ექსპორტი და ბიზნესის ნაცვლად „ავტოვაზვრატი“?

შავი ბაზრის იმედად ქართული პროდუქციის ექსპორტი და ბიზნესის ნაცვლად „ავტოვაზვრატი“? - მუხრან ბურჭულაძე

სოც.მედია - 15:39, 15 Jul, 2014

1467

,,დემოკრატიული განვითრების ეროვნული ცენტრის“ ხელმძღვანელი მუხრან ბურჭულაძე ,,ერგნეთის ბაზრის იდეის“ შესახებ ხელისუფლების წარმომადგენელთა პოზიციას და რუსეთის მხრიდან საქართველოს რკინიგზით დაინეტერსების თემას სოციალურ ქსელში ეხმაურება:

,,ყველაფერი ნათელია მთავრობის ოცნებაც და კონკრეტული გეგმაც. მაშინ როდესაც ქვეყანას ეკონომიკურად უკიდურესად მძიმე მდგომარეობა აქვს, ხელისუფლებისთვისФСБ-ს რკინიგზა და ერგნეთის ბაზარი გამოსავალი აღმოჩნდა. ნაცვლად იმისა, რომ მთავრობა საავტომობილო ბაზრის ლიკვიდაციის თავიდან აცილებაზე ზრუნავდეს,ზაქარეიშვილი თურმე „ერგნეთის ბაზრის იდეის“ ხორცშესხმზე ოცნებობს. ერგნეთის შავი ბაზარი ყოფილა სატკივარი, სადაც სახელმწიფო კონტროლი ნულს უდრიდა, სადაც ნარკოტიკებსა და ნაძარცვ ნივთებს ჰქონდა გასავალი მხოლოდ და ბაზრის ძირითად ფუნქციას კონტრაბანდული ტვირთების ბრუნვის ხელშეწყობა წარმოადგენდა. აი რამ დაწყვიტა გული ყოფილ „საგარეოშნიკებს“ და რა ენატრებათ მოქმედმინისტრებს.

დღეს გარკვეული მიზეზების გამო ავტომობილების ექსპორტს ვეღარ ახორციელებენ ჩვენი მოქალაქეები, ეს კი მათი ოჯახების ძირითადი შემოსავლის წყაროა. უმჯობესია მოეშვათ ნარკოტიკებით, იარაღით და კონტრაბანდული ნაწარმით ვაჭობაზე ფიქრს და ავტოექსპორტთან დაკავშირებული პრობლემების მოგვარებაზე იზრუნოთ. შავი ბაზრის იმედად დაპირდით ხალხს ქართული პროდუქციის ექსპორტს? და ბიზნესის ნაცვლად ხალხს რას სთავაზობთ„ავტოვაზვრატს“?!.“, - წერს მუხრან ბურჭულაძე.