საკრებულოს ახალი თავმჯდომარის გიორგი ალიბეგაშვილის ინფორმაციით, მერია და საკრებულო ჰარმონიულ ერთიანობაში იმუშავებს. როგორც ალიბეგაშვილმა დღეს გამართულ ბრიფინგზე განაცხადა, დავით ნარმანიას მიერ წარმოდგენილ სამოქმედო გეგმაში ყველაფერი მისხალ-მისხალ არის გაწერილი და ეს უნდა მოგვარდეს.

"მერია და საკრებულო ჰარმონიულ ერთიანობაში იმუშავებს. ჩვენი ქალაქი სასურველ საცხოვრებელს უნდა დაემსგავსოს. ამისთვის მუხლჩაუხრელი შრომა იქნება საჭირო. თბილისის მოსახლეობა მოუთმენლად ელის ყველა საკითხის გადაწყვეტას და მცირე და დიდი პრობლემა ნაბიჯ-ნაბიჯ წინ უნდა წავიდეს", - განაცხადა ალიბეგაშვილმა.