„ირაკლი ბათიაშვილი ციხეში მიხეილ სააკაშვილის სადღეგრძელოს სკამზე ასული სვამდა“, - ამის შესახებ თავდაცვის ყოფილმა მინისტრმა ბაჩო ახალაიამ საქალაქო სასამართლოში განაცხადა, სადაც ე.წ. ნავთლუღის სპეცოპერაციის საქმის განხილვა მიმდინარეობს. საქმე ეხება გირგვლიანის მკველობისთვის მსჯავრდებულების მიმართ ციხეში პრივილეგირებულად ყოფნის ეპიზოდს. ბრალდების მასალებიდან ირკვევა, ბაჩო ახალაიას დავალებით გირგვლიანის საქმეზე მსჯავრდებულები ტელეფონით და სხვა პრივილეგიებით სარგებლობდნენ.

"მაშინ ტელეფონი არ იყო აკრძალული და მე დავაწესე ეს აკრძალვა", - განაცხადა ბაჩო ახალაიამ ციხის ყოფილი თანამშრომლის დაკითხვის დროს.

დღევანდელ პროცესზე ციხის ყოფილი თანამშრომლები დაიკითხებიან. სავარაუდოდ მიმდინარე კვირაში იგეგმება #10 დაწესებულების ყოფილი დირექტორის, თემურ ტაბაღუას დაკითხვაც, რომელიც ამჟამად სასულიერო პირია.