ბასტილიის აღებისადმი მიძღვნილ საზეიმო ღონისძიებაზე ჟურნალისტებათან საუბრისას საქართველოს თავდაცვის მინისტრმა ირაკლი ალასანიამ განაცხადა, რომ საქართველოსთვის მნიშვნელოვანია საფრანგეთი ძლიერი პარტნიორი იყოს:

“ჩვენ სამხედრო კუთხითაც ძალიან დიდი თანამშრომლობა გვაქვს, ხშირად გვსტუმრობენ მაღალი დონის სამხედროები, რაც მთავარია ჩამოდიან სამხედროები წვრთნებზე, სულ ახლახანს იმყოფებოდნენ სამხედრო-საზღვაო ფლოტის წარმომადგენლები საქართველოში, ეს ჩვენი ურთიერთობის დინამიკაა და რა თქმა უნდა, მნიშვნელოვანია, რომ საფრანგეთი ძლიერი პარტნიორი, ძლიერი ევროპული ქვეყანა იყოს. მინდა მთელი შეიარაღებული ძალებისა და თავდაცვის სამინისტროს სახელით საფრანგეთს დღევანდელი დღე მივულოცო”, - განაცხადა ალასანიამ.