პარტია „საქართველოს გზის“ საპატიო თავჯდომარე კოალიცია „ქართულ ოცნებას“ არჩევნებში გამარჯვებას ულოცავს. ამის შესახებ, ზურაბიშვილის მიერ „ფეისბუქზე“ გავრცელებულ მისალოც განცხადებაშია ნათქვამი. როგორც ზურაბიშვილი წერს, დავით ნარმანიას გამარჯვება უხარია, თუმცა მიიჩნევს, რომ „ნაციონალური მოძრაობისთის“ მეორე ადგილის „დათმობა“ ქვეყნისთვის დიდი შეცდომაა.

„ვულოცავ ოცნებას გამარჯვებას! მეორე ტურის ჩატარება მიხარია: ეს საქართველოს ისტორიის აუცილებელი ნაბიჯი იყო და როგორც იქნა - თუმცა დაგვიანებით- გადავდგით და ეს ნიშნავს, რომ ვერავინ ვეღარ იტყვის მომავალში მეორე ტური არ იქნებაო ან არ დავუშვებთო! ნარმანიას გამარჯვება მიხარია იმდენად, რამდენადაც ეს ნიშნავს "ნაციონალურ მოძრაობის" ფუჭი იმედების გაცრუებას და მათი ასევე ფუჭ დაბრუნების მუქარის გაქარწყლებას. ეს იმასაც უნდა ნიშნავდეს - და ამას ველოდები არჩევნების ეფორიის შემდეგ- რომ უკვე აღარ დაგვიანდება გასამართლებაც და დამნაშავეებისთვის განაჩენის გამოტანაც და ბიუჯეტში დიდი ფულის დაბრუნებაც , რაც ბოლო წერტილს დაუსვამს ამ მოძრაობის პოლიტიკურ მომავალს .... თუმცა მაინც ვფიქრობ რომ "ნაციონალებისთვის" მეორე ადგილის საპარლემენტოდან და საპრეზიდენტოდან, “დათმობა” დიდი შეცდომაა ქვეყნისთვის, რამეთუ ამითი გაიყინა და ცარიელი რჩება პროდასავლური ღირებულებეის (ოღონდ ნამდვილად და არა გამოცხადებულად და ტან ეროვნული ნიშნით) “ადგილი” ქართულ პოლიტიკაში.... ანუ დღეს, თუ არა არსებული და სრული უმრავლესობით მოსული ერთი პარტიისა, რომელსაც უჭირავს ყველა სადავეები სხვა არჩევნანი და სხვა ალეტრნატივა ან სხვა მაკონროლებელი ძალა არ არსებობს... თუ არა პრო რუსული პარტიებისა ან დისკრედიტირებული ნაცების ნარჩენებისა.... ეს მდგომარეობა უთუოდ გამოსასწორებელია და ამაზე უნდა ვიფიქროთ და არა მხოლოდ ავყვეთ “ნაცების დამარცხების” ეფორიას.... დამთავრდეს დროულად სასამართლოები, განაჩენი გამოტანილ იქნას და შევუდგეთ საქმეს.... ამ საქმეს უთუოდ დასჭირდება სერიოზული კონტროლი, რამე თუ ერთ ხელში როცა თავმოყრილია ძალაუფლება უკვე კარგად ვიცით რა საფრთხეები მოყვება იმ შემთხვევაში თუ საზოგადოებრივი და ყოველდღიური მონიტორინგის ძალა არ შეიქმნა“, - წერს ზურაბიშვილი.