საქართველოს შინაგან საქმეთა მინისტრის განცხადებით იგი საქართველოს ყოფილი პრეზიდენტის მიხეილ სააკაშილის დაცვის თანამშრომლების დაკითხვაზე დაბარების შესახებ ინფორმაციას არ ფლობს.

ამის შესახებ ალექსანდრე ჭიკაიძემ მთავრობის სხდომის დასრულების შემდეგ ჟურნალისტებს თემის კომენტირებისას განუცხადა.

შეგახსენებთ, რომ საქართველოს ექსპრეზიდენტ მიხეილ სააკაშვილისა და მისი მეუღლის სანდრა რულოვსის დაცვის უფროსები დაკითხვაზე არიან დაბარებული. სახელმწიფო დაცვის სპეციალური სამსახურის ყოფილ ხელმძღვანელებს პროკურატურაში დღის განმავლობაში ელოდებიან. როგორც უწყებაში განმარტავენ, ისინი საგამოძიებო მოქმედებებში მონაწილეობის მიღების მიზნით არიან დაბარებული. დამატებითი ინფორმაცია კი გამოძიების ინტერესებიდან გამომდინარე არ კონკრეტდება.