თბილისის არჩეული მერი დავით ნარმანია საქმიანობას დღეიდან, „ქართული ოცნების" ოფისის შენობაში შეუდგება. მისი თქმით, მას კონკრეტული გეგმები აქვს და ზუსტად იცის, თუ რა პროექტებს განახორციელებს, როდესაც თანამდებობას ოფიციალურად ჩაიბარებს.

"დღეიდან შევუდგები მუშაობას, თუმცა არა მერიის შენობაში, არამედ ჩვენთან, კოალიციის შენობაში. მას შემდეგ, რაც ოფიციალური შედეგები გამოცხადდება, რა თქმა უნდა, ამის შემდეგ მივალ მერიაში, მანამდე არის რიგი მოსამზადებელი საკითხებისა, რომელიც აუცილებლად უნდა მოვამზადო. მერიის სტრუქტრურის სისტემას გადაწყობა სჭირდება და მას ჩვენს პროგრამასთან და ჩვენს საქმიანობასთან მიმართებაში ცვლილებები სჭირდება. მე ვხედავ, რომ მერიის სტრუქტურაში ძლიერ ანალიტიკური ინოვაციებზე მომუშავე სამსახური დაგვჭირდება",- განაცხადა ნარმანიამ.