გიორგი მარგველაშვილი ედუარდ შევარდნაძეს დავით-მეფის სიტყვებით დაემშვიდობა

პოლიტიკა - 14:46, 13 Jul, 2014

6831

საქართველოს პრეზიდენტმა გიორგი მარგველაშვილმა სამების საკათედრო ტაძარში, ედუარდ შევარდნაძის დაკრძალვის ცერემონიალზე შეკრებილ საზოგადოებას სიტყვით მიმართა და მადლობა გადაუხადა ყველას, ვინც სამძიმარი გამოუცხადა ქვყანას და ოჯახს საქართველოს ექსპრეზიდენტის გარდაცვალებასთან დაკავშირებით.

,,ბატონი ედუარდის როლი მე-20 საუკუნის ისტორიაში იქნება მომავალშიც ღრმად გააზრებული, თუმცა დღესაც ნათლად ჩანს, რომ ის იყო მსოფლიო დონის პოლიტიკოსი, მე მინდა ხაზგასმით ვთქვა, რომ დღეს როცა ჩვენ მას ვემშვიდობებით, მის სახელთან არის დაკავშირებული საქართველოში სიკვდილით დასჯის გაუქმების შესახებ გადაწყვეტილება, იმ მომენტში, როცა ადამიანი მარტო რჩება თავის სულთან, ასეთი ნაბიჯები მნიშვნელოვნად განაპირობებს სიყვარულსაც და პატივისცემასაც ისეთი პოლიტიკური ფიგურების მიმართ, როგორიც იყო ბატონი ედუარდი. მე მინდა ბატონ ედუარდს დავემშვიდობო ჩვენი ყველაზე ძლიერი და ამავე დროს სულიერი გზის მაჩვენებელი მეფის სიტყვებით, რომელიც ალბათ ყველა პოლიტიკოსს მიეწერება, მაგრამ განსაკუთრებით ისეთ პოლიტიკოსს, როგორიც იყო ბატონი ედუარდი“

,,ჟამი რა წუხილთა, ავთა აღმოფშვენათა წარსდგეს, ჟამი მეფობისა წახდეს და დიდებაი დაშრეს, შვებანი უქმ იქმნენ, ყვავილობაი დაჭკნეს, სხვამან მიიღოს სკიპტრა, სხვასა შეუდგნენ სპანი, მაშინ შემიწყალე მსაჯულო ჩემო“

ღმერთმა ნათელში ამყოფოს ბატონი ედუარდის სული!“, - განაცხადა გიორგი მარგველშვილმა საქართველოს მეორე პრეზიდენტის დაკრძალვის ცერემონიალზე.