ედუარდ შევარდნაძის დაკრალავას დღეს მაღალი რანგის სტუმრები დაესწრებიან

პოლიტიკა - 11:53, 13 Jul, 2014

1763

როგორც ,,ნიუპოსტს“ საგარეო საქმეთა სამინისტროდან აცნობეს, საქართველოს 30-მდე ქვეყნის წარმომადგენელი ეწვევა. მათ შორის არიან მაღალი რანგის სტუმრები. კერძოდ, აზერბაიჯანის პარლამენტის თავმჯდომარე ოქტაი ასადოვი, სომხეთის პარლამენტის თავმჯდომარე გალუსტ საჰაკიანი, ლატვიის სახელმწიფო მდივანი ელენა პილდეგოვიცა, ავსტრიის იუსტიციის ფედერალური მინისტრი ვოლფგან ბრანდშთეთერი, ბელორუსის სოფლის მეურნეობის მინისტრი ლეონიდ ზაეცი, თურქეთის შრომისა და სოციალური მინისტრი ფარუკ ჩელიქი და იაპონიის საგარეო საქმეთა მინისტრის მოადგილე ტაკაო მაკინო.

დაკრძალვის ცერემიანიას ასევე დაესწრებიან ამერიკის შეერთებული შტატების ყოფილი სახელმწიფო მდივანი ჯეიმს ბეიკერი, გერმანიის ყოფილი საგარეო საქმეთა მინისტრი და ვიცე-კანცლერი ჰანს დიტრიხ გენშერი და მისი მეუღლე ბარბარა გენშერი, ესტონეთის რესპუბლიკის ყოფილი პრეზიდენტი არნოლდ რუტელი, ყირგიზეთის ყოფილი პრეზიდენტი როზა ოტუმბაევა, დიდი ბრიტანეთიდან ყოფილი პრემიერ-მინისტრის მარგარეტ ტეჩერის მრჩეველი ლორდი პაუელი, შვეიცარიის ფედერალური კანცლერი სამუელ შმიდტი და დიპლომატები მსოფლიოს სხვადასხვა ქვეყნიდან.

ედუარდ შევარდნაძეს დღეს კრწანისის რეზიდენციაში მეუღლის გვერდით დაკრძალავენ.