„ქართული პარტიის“ ლიდერმა ირაკლი ოქრუაშვილმა არჩევნების მეორე ტური წააგო. ამის შესახებ ოქრუაშვილმა საარჩევნო შტაბში, ცოტა ხნის წინ, გამართულ ბრიფინგზე განაცხადა.

„იმ უსამართლობის ფონზე, რაც წინასაარჩევნოდ ჩვენს წინააღმდეგ სუფევდა, ჩვენ შევძელით ძალიან კარგი შედეგის დადება. იმის მიუხედავად, რომ დღეს არჩევნები წავაგეთ, ჩვენ ამას ვაღიარებთ. ჩვენს წინააღმდეგ გაერთიანებული იყო, როგორც ხელისუფლება ასევე „ნაციონალური მოძრაობა“ და ყველა ნებისმიერი წვრილ-წვრილი მათი დანამატები“, - განაცხადა ოქრუაშვილმა.

გორში ამ წუთებში „ქართული ოცნების“ აქტივისტები გამარჯვებას ზეიმობენ. ისინი ქალაქის ქუჩებში შეძახილებით და დროშებით გადაადგილდებიან.