თავდაცვის მინისტრმა ირაკლი ალასანიამ დღევანდელს არჩევნებს ისტორიული უწოდა. მისი თქმით, ეს იყო ისტორიული და ევროპული სტანდარტების არჩევნები.

"ჩვენი ქვეყნისთვის ეს იყო ისტორიული არჩევნები. ეს არის ყველას წარმატება. ჩვენ ჩავატარეთ კიდევ ერთი ევროპული სტანდარტების თავისუფალი არჩევნები. ამით ქვეყანა გახდა კიდევ უფრო ძლიერი და დაუახლოვდა ჩვენს მთავარ ამოცანას, რომ ვიყოთ ევროპული ოჯახის ნაწილი", - განაცხადა ირაკლი ალასანიამ.

მისი თქმით, კოალიცია "ქართული ოცნება" დარწმუნებულია, რომ დღევანდელი არჩევნები სახელისუფლებო კანდიდატების გამარჯვებით დასრულდება.