ცენტრალური საარჩევნო კომისიის თავმჯდომარის თამარ ჟვანიას შეფასებით, არჩევნებმა საერთო ჯამში, მშვიდ ვითარებაში ჩაიარა. მისი თქმით, 20:00 საათის მონაცემებით, არჩევნებში მონაწილეობა 617 451 ამომრჩეველმა მიიღო, რაც საერთო რაოდენობის 36%-ია

“ხმის დათვლის პროცესი დაწყებულია. არჩევნებმა მნიშვნელოვანი დარღვევების გარეშე, მშვიდ გარემოში ჩაიარა. საუბნო სარჩევნო კომისიებში არანაირ სერიოზულ ხარვეზებს ადგილი არ ჰქონია. 20:00 საათის წინასწარი მონაცემებით, არჩევნებში მონაწილოება მიიღო ყველა საარჩევნო ოლქში 617 451 ამომრჩეველმა, რაც საერთო რაოდენობის 36%-ია. აქვე მოგახსენებთ, რომ 20:00 საათისთვის თბილისში საარჩევნო უბნებზე ამომრჩეველთა 34.3 % მივიდა“, - განაცხადა ჟვანიამ.