ამერიკის შეერთებული შტატების ყოფილი სახელმწიფი მდივანი ჯეიმს ბეიკერი საქართველოშია. თბილისის საერთაშორისო აეროპორტში მას საქართველოში აშშ-ის ელჩი რიჩარდ ნორლანდი და საგარეო საქმეთა მინისტრის მოადგილე დავით ჯალაღანია დახვდნენ.

როგორც ჯალაღანიამ ჟურნალისტებთან საუბრისას განაცხადა, ედუარდს შევარდნაძეს და ჯეიმს ბეიკერს მრავალწლიანი მეგობრობა აკავშირებდათ.

"ეს ძალზედ ემოციური მომენტია, რომ იგი ესტუმრა მისი მეგობრის ქვეყანას, როდესაც ის გარდაიცვალა. ჩვენთან დიალოგში მან ის წლები გაიხსენა, როდესაც ედუარდ შევარდნაძეს შეხვდა. მან კმაყოფილება გამოთქვა იმის გამო, რომ კვლავ იმყოფება საქართველოში, რომელიც მისი თქმით, მისთვის საყვარელი ქვეყანაა. მისი თქმით, ის და ედუარდ შევარდნაძე იყვნენ არამარტო პარტნიორები, არამედ მეგობრები", - განაცხადა დავით ჯალაღანიამ.

ჯეიმს ბეიკერი 13 ივლისს ედუარდ შევარდნაძის დაკრძალვას დაესწრება.