ახმეტაში, სოფელ ქისტაურის N20-ე საარჩევნო უბანში დაპირისპირება მოხდა. ნინო ბურჯანაძის პარტიის წევრების ინფორმაციით, ერთ-ერთ დამკვირვებელს, რომელიც „ახალი თაობა - ერთიანი საქართველოს“ წევრი იყო, „ქართული ოცნების“ აქტივისტებმა სიტყვიერი შეურაცხყოფა მიაყენეს. მათი მტკიცებით, აქტივისტებს შორის იყო ახმეტის მაჟორიტარი დეპუტატის ზურაბ ზვიადაურის ძმა, ბერდია ზვიადაური. თავად ადრესატი აღნიშნულ ბრალდებას უარყოფს, თუმცა ჟურნალისტებთან კომენტარის გაკეთებისგან თავს იკავებს.

ასევე, ინციდენტი მოხდა სოფელ ომალოში N20-ე საარჩევნო უბანზე. ერთ-ერთი დამკვირვებლის განცხადებით, საარჩევნო უბანზე მივიდნენ „ქართული ოცნების“ აქტივისტები, რომლებსაც პარტიის ლოგოიანი მაისურები ეცვათ. თუმცა, მისი თქმით, აღნიშნულ ფაქტს კომისიის თავჯდომარის გაღიზიანება არ გამოუწვევია. აღნიშნული ფაქტის შემდეგ დამკვირვებელსა და საუბნო კომისიის თავჯდომარეს შორის სიტყიერი დაპირისპირება მოხდა. ამ დროისთვის ვითარება განმუხტულია.