ნაძალადევის 47-ე და 48-ე საარჩევნო უბნებზე ინციდენტი მოხდა. ინფორმაციას „ნაციონალური მოძრაობის“ წევრი ჩიორა თაქთაქიშვილი „ფეისბუქზე“ წერს. მისი თქმით, მათმა წარმომადგენელმა ვიდეოკამერით დააფიქსირა ქალბატონი, რომელსაც საარჩევნო უბანზე ყოფნის უფლება არ ჰქონდა. თაქთაქიშვილის ინფორმაციით, აღნიშნულმა ფაქტმა საარჩევნო ადმინისტრაციის წევრები გააღიზიანა.

„ნაძალადევში 47-ე და 48-ე უბანთან, რომლებიც 32-ე სკოლის შენობაშია, საარჩევნო ადმინისტრაციის ბაჯიანი წევრები მოგვივარდნენ, ბაჯი გადაბრუნებული ქონდათ, ერთ-ერთმა მოიხსნა შემდეგ საერთოდ, ხელის კვრით, "გვერდზე გამოდი ბიჭო", გინებით და სიტვიერი შეურაცხყოფით, მე ხელი გადამიგრიხა ერთ-ერთმა მათგანმა. ეს ყველაფერი მოყვა კამერაზე არაუფლებამოსილი ქალბატონების დაფიქსირებას, რომლებსაც არ ქონდათ საარჩევნო უბანზე ყოფნის უფლება“, - წერს თაქთაქიშვილი.