ხონის მუნიციპალიტეტის სოფელ გორდის საჯარო სკოლის შენობაში განთავსებულ საარჩევნო უბანზე ამ წუთებში პოლიციაა მობილიზებული. უბანზე პოლიციის გამოძახება იმის გამო გახდა საჭირო, რომ ქალბატონი, რომელიც თავს დამკვირვებელს უწოდებს, სკოლის ჭიშკართან დგას და უბანზე შემსვლელ-გამომსვლელებს აღრიცხავს.

„ქალბატონი ზეინაბ ფრანკენშტაინი, რომელიც თავს ასე უწოდებს, ვერავინ ვერ დაადგინა, რომ სადამკვირვებლო ორგანიზაციას წარმოადგენს, რადგან მუდმივად იტყუება. ის აღწერს უბანზე მისულ ადამიანებს და ასევე წყვეტს ვინ უნდა შევიდეს უბანზე, ხოლო ვინც არ ემორჩილება სცემს. ასე სცემა ახალგაზრდა გოგონა. უბანზე პოლიცია გამოვიძახეთ, თუმცა პოლიცია ამბობს, რომ საარჩევნო უბნის ტერიტორიაზე ვერ შემოვა და ეზოს ვერ დაიცავს. ვართ ამ მდგომარეობაში და უძლურები ვართ ერთი ქალბატონის წინაშე“, - განუცხადა უბანზე მყოფმა ერთ-ერთმა დამკვირვებელმა.

წყარო: News.ge