კოალიცია „ქართული ოცნების“ ცენტრალურ ოფისში საგანგებო ბრიფინგი გაიმართა. კოალიციის პრესსპიკერმა გიორგი გეგეჭკორმა „ნაციონალური მოძრაობა“ და მისი მხარდამჭერები არეულობების მოწყობის მცდელობაში დაადანაშაულა:

„ჩვენი ინფორმაციით, „ნაციონალური მოძრაობის“ წარმომადგენლები მხარდამჭერებთან ერთად ცდილობენ საარჩევნო პროცესში არეულობის შეტანას, რაც მათი გარდაუვალი მარცხის გადაფარვას ისახავს მიზნად. ამ მიზნით მათ წარმომადგენლებს რამდენიმე საარჩევნო უბანზე დავალებული აქვთ არეულობების მოწყობა.

მათ შორის ისეთ საარჩევნო ოლქებში, სადაც „ნაციონალური მოძრაობის“ კანდიდატი მეორე ტურში მონაწილეობას არ იღებს.

გვსურს ამ პროცესში ჩართული პირები გავაფრთხილოთ, ნუ შეასრულებენ ხელმძღვანელების დანაშაულებრივ პირობებს და ნუ ჩაიდენენ საარჩევნო პროცესის ხელისშემშლელ რაიმე ტიპის დარღვევას.

თითოეული ასეთი სიტუაციის შემთხვევაში შესაბამისი ორგანოების საშუალებისგან მოვითხოვთ შესაბამის რეაგირებას და თითოეულ დამნაშავეს მოვთხოვთ მკაცრ პასუხს“, - განაცხადა გეგეჭკორმა.