კოალიცია „ქართული ოცნების“ საარჩევნო შტაბის პრესსპიკერის გიორგი გეგეჭკორის განცხადებით, არჩევნები მშვიდ გარემოში მიმდინარეობს. გეგეჭკორი ამომრჩეველს უფრო მეტი აქტივობისკენ მოუწოდებს:

“როგორც მოსალოდნელი იყო არჩევნები მთელი ქვეყნის მასშტაბით მშვიდ ვითარებაში მიმდინარეობს. მოვუწოდებთ ჩვენს ამომრჩეველს, კიდევ უფრო გააქტიურდნენ და არჩევნებზე მოვიდნენ. მეგობრებო, თითოეული თქვენთაგანის არჩევანს დღეს განსაკუთრებული მნიშვნელობა აქვს და ჩვენი ქვეყნის მომავალი განვითარებისთვის წინ გადადგმულ ნაბიჯს აღნიშნავს. გვჯერა, ერთობითა და საერთო ძალისმხევით ძალიან მალე ვიზეიმებთ საბოლოო გამარჯვებას. მიბრძანდით^საარჩევნო ყუთებთან და გახსოვდეთ თქვენი ხმა იგებს. ხმა მიეცით საკუთარ მომავალს”, – განაცხადა გეგეჭკორმა.