ცესკო სასჯელაღსრულების მინისტრის სოზარ სუბარის რეგისტრაციიდან მოხსნასთან დაკავშირებით განმარტებებს აკეთებს. ცესკო-ს პრესსპიკერის ეკა აზარაშვილის ინფორმაციით, სოზარ სუბარი რეგისტრაციიდან ბინის მესაკუთრის განცხადების საფუძველზე მოიხსნა.

„სასჯელაღსრულების მინისტრი სოზარ სუბარი სიაში იმის გამო არ აღმოჩნდა, რომ ის რეგისტრაციიდან მოხსნილია. სუბარი რეგისტრაციიდან არის მოხსნილი ბინის მესაკუთრის განცხადების საფუძველზე, შესაბამისად, ის ამომრჩეველთა სიაში ვერ აღმოჩნდა. იმის გამო, რომ სუბარი ამომრჩეველთა სიაში არ იყო, არ მიუვიდოდა ამომრჩევლის ბარათის, რის შემდეგაც მას შეეძლო გადაემოწმებინა საკუთარი თავი საარჩევნო სიაში“, - განაცხადა ეკა აზარაშვილმა.

სოზარ სუბარმა ბახტრიონის 26-ში მდებარე მე-12 უბანზე ხმა ვერ მისცა. ინფორმაცია #12 საუბნო საარჩევნო კომისიის თავმჯდომარის მოადგილემ ლიანა კობახიძემ ცოტა ხნის წინ გაავრცელა.