“ნაციონალური მოძრაობა” თბილისში არსებულ საარჩევნო დარღვევებზე საუბრობს.

პარტიის ერთ-რთმა ლიდერის ზურაბ ჭიაბერაშვილის ინფორმაციით, დარღვევები დაფიქსირდა ნაძალადევის მე-9 საარჩევნო ოლქში, მე-7 საჯარო სკოლის შენობაში განთავსებილი მე-8, მე-9 და მე-10 საარჩევნო უბნები.

მისი თქმით, აღნიშნულ უბნებზე “ქართული ოცნების” აქტივისტები პარტიული მაისურებით შევიდნენ.

“მათი კანონსაწინააღმდეგო ქმედება ფიქსირდებოდა ვიდეოკამერით. კანონდამრღვევებმა მათი სახეების ვიდეოკამერით ჩაწერა გააპროტესტეს და ფიზიკურ ძალადობას მიმართეს იმ პირის მიმართ, ვინც ამ კანონდარღვევას იღებდა. აღნიშნულის გამო ადგილზე პატრული გამოიძახეს, თუმცა არავინ დაუკავებიათ. გვინდა გავაფრთხილოთ “ქართული ოცნების” ყველა აქტივისტი, რომელიც საარჩევნო უბნების შესასვლელებში დგას და მზადაა, ანალოგიურ ქმედებას მიმართოს: ყველა საარჩევნო უბანზე ვიდეოკამერით ფიქსირდება ყველა დარღვევა. ფაქტია, რომ ხელისუფლება არ აპირებს საკუთარი აქტივისტების კანონის მიხედვით დასჯას. პრემიერი თავად არის ამ ძალადობის წამახალისებელი. სამაგიეროდ, ყველა მოძალადე ფიქსირდება და ისინი აუცილებლად აგებენ პასუხს კანონის წინაშე”, - განაცხადა ზურაბ ჭიაბერაშვილმა.