პარლამენტის თავჯდომარემ დავით უსუფაშვილმა თვითმმართველობის არჩევნებში საკუთარი არჩევანი უკვე დააფიქსირა. უსუფაშვილმა სასურველ კანდიდატს ხმა 162-ე სკოლაში განთავსებულ საარჩევნო უბანზე მისცა.

"თბილისს სათანადო მერი სჭირდება. სწორად შერჩეული მერის გამოსავლენად მეორედ მოსვლა გახდა საჭირო ამ უბანზე, თუმცა ეს ღირს, იმიტომ, რომ თბილისს სჭირდება კარგი და პატრონი მერი. დარწმუნებული ვარ, დღევანდელი დღე სწორედ ასეთ მერს გამოავლენს. დღეს არა მხოლოდ თბილისში, არამედ მთელ საქართველოში დაახლოებით 20-მდე ოლქში მიმდინარეობს მეორე ტური. დარწმუნებული ვარ, ყველგან გაიმარჯვებს ღირსეული კანდიდატი, რომლებიც პირველ რიგში ამომრჩეველს ემსახურებიან და არა ვინმე სხვას",- განაცხადა უსუფაშვილმა.