ხულოს საარჩევნო ოლქის #36 უბანზე ბიულეტენების ჩაყრის ფაქტი დაფიქსირდა. ამის შესახებ „სამართლიანი არჩევნების“ აღმასრულებელმა დირექტორმა ნინო ლომჯარიამ მედიაცენტრში გამართულ ბრიფინგზე განაცხადა.

მისი თქმით, ხულოს საარჩევნო ოლქის #36 საარჩევნო უბანზე ,,სამართლიანი არჩევნების“ დამკვირვებელმა დააფიქსირა, რომ კომისიის თავმჯდომარემ საარჩევნო ყუთში 3 ბიულეტენი ჩააგდო.

„ხულოს საარჩევნო ოლქის #36 საარჩევნო უბანზე ,,სამართლიანი არჩევნების“ დამკვირვებელმა დააფიქსირა, რომ კომისიის თავმჯდომარემ საარჩევნო ყუთში 3 ბიულეტენი ჩააგდო. აღნიშნულ ფაქტს ,,სამართლიანი არჩევნების“ დამკვირვებელსა და კომისიის თავჯდომარე შორის სიტყვიერი დაპირისპირება მოჰყვა. დამკვირვებელს სურდა დარღვევის შესახებ ,,სამართლიანი არჩევნების“ ცენტრალურ ოფისში ინფორმაციის გადაცემა, თუმცა კომისიის თავჯდომარე ამის საშუალებას არ აძლევდას“, - განაცხადა ლომჟარიამ.

„სამართლიანი არჩევნების“ აღმასრულებელმა დირექტორი იმედოვნებს, რომ აღნიშნულ ფაქტზე შესაბამისი სამართლებრივი რეაგირება მოხდება.

თვითმმართველობის არჩევნები 8 ქალაქსა და 13 თვითმმართველ თემში იმართება.