კოალიცია „ქართული ოცნების“ თბილისის მერობის კანდიდატი დავით ნარმანია მარკირების შემთხვევაში კომპანიების მიერ შეთავაზებულ ფასდაკლებას დადებითად აფასებს. მისი თქმით, თუ დრო ექნება, იგი სიამოვნებით წავა და ოჯახისთვის რამეს შეიძენს.

„ძალიან კარგი ინიციატივაა. ვფიქრობ, რომ ეს არის ერთ-ერთი ნიმუში იმისა, როგორ შეიძლება ყველამ ხელი შეუწყოს არჩევნებს და არჩევნის გაკეთებას“, - განაცხადა ნარმანიამ.

არჩევნების მეორე ტურის დღეს, მარკირების წარმოდგენის შემთხვევაში, ბიზნესკომპანიები მომხმარებლებს ფასდაკლებებს სთავაზობენ.